Rep. Zaldy Co babalik sa bansa; haharapin ang mga paratang laban sa kaniya

Tiniyak ni Ako Bicol Partylist Rep. Zaldy Co na babalik ito ng bansa para harapin ang mga akusasyong ibinabato sa kaniya at pag-uugnay sa kaniya sa congressional insertions at flood control scandals.

Sa liham ni Co kay House Speaker Bojie Dy, ikinalungkot nito ang pagbawi sa kaniyang travel clearance habang siya ay nasa ibang bansa para sa naka-schedule na medical treatment.

Sinabi ni Co na ang pagbawi sa kaniyang travel clearance ay ginawa dahil sa ‘pressure’ at hind isa pagsunod sa facts and procedure.

Ayon sa mambabatas walang katotohanan ang mga paratang na nag-insert siya sa budget.

Aniya ang Bicameral Report at ang 2025 GAA ay inaprubahan ng dalawang kapulungan at sumunod sa tamang proseso.

Inamin naman Co na nababahala siya sa kaniyang pagbabalik sa Pilipinas dahil hindi niya alam kung ano ang magiging pagtanggap sa kanya ng publiko.

Sinabi ni Co na ang mga papratang sa kaniya ay nagdulot na ng public hatred hindi lamang sa kaniya Kundi maging sa kaniyang pamilya. (DDC)