6 na empleyado ng Baguio District Engineering Office sinuspinde ng DPWH

Pinatawan ng anim na buwang suspension ang anim (6) na empleyado ng Baguio City District Engineering Office ng Department of Public Works and Highways.

Ipinataw ni DPWH Secretary Vince Dizon ang suspensyon kina District Engineer Rene Zarate; Cesario Rillera ang hepe ng Planning and Design Section; Nora Delos Santos – hepe ng Maintenance Section; Jessie Ramos – Engineer II; Frances Vincent Saloria – Engineer II at Frigilda Legaspi – Administrative Officer II.

Ito ay kasunod ng reklamong natanggap ni Dizon tungkol sa rigging, fixing, at manipulation ng bidding process sa infrastructure projects sa Baguio City.

Ayon kay Dizon, mayroong pinapaburang bidders sa mga proyekto ng DPWH sa Baguio City.

Binigyan ni Dizon ng limang (5) araw ang mga opisyal para magpaliwanag kung bakit hindi sila dapat tuluyang masampahan ng administrative case. (DDC)