Surprise witness ni Marcoleta, isasailalim sa background check

Kailangang isailalim sa record check at background investigation ang “surprise witness” ni Senator Rodante Marcoleta na si Orly Regala Guteza dahil sa bigat ng inilahad niyang testimonya sa Senate Blue Ribbon Committee.

Ayon kay Senate President Pro Tempore at Blue Ribbon chair Panfilo Lacson, mabigat at serosyo ang mga paratang ni Guteza.

Sa kaniyang pahayag sinabi ni Guteza na dati siyang Marine at security consultant ni Rep. Elizaldy Co at sinabing nagdadala siya ng mga maleta ng pera sa mga bahay nina Co at dating Speaker Martin Romualdez.

Pero naglabas ng pahayag ang abogadong si Petchie Rose Espera at itinanggi nito na siya ang nag-notaryo, lumagda, o lumahok sa paggawa ng affidavit ni Guteza.

Sinabi ni Espera na ang paggamit sa kaniyang pangalan at pirma ay palsipikado at walang otorisasyon.