Mga simbahan sa Masbate nagtamo ng matinding pinsala sa Bagyong Opong

Nagtamo ng matinding pinsala ang ilang simbahan sa Bicol Region dahil sa pananalasa ng Bagyong Opong.

Sa mga larawang ibinahagi ni Fr. Raymond Rhys Garrucho, kita ang matinding pinsalang tinamo ng Sta. Teresa de Calcutta Parish Rectory and Church sa Bolo, Masbate City.

Nasira ng pader at bubungan ng simbahan.

Ayon kay Fr. Garrucho kung ganoon katindi ang pinsala sa simbahan, mas marami marahil ang pinsala sa mga parokyano.

Samantala, wasak din ang kisame ng Immaculate Conception Parish Church sa Batuan, Masbate.

Sa larawan na ibinahagi ni Batuan Mayor Marco Cam, natuklap ang kisame ng simbahan at bumagsak sa sahig.

Sa labas ng simbahan ay kita din ang matinding pinsala ng bagyo dahil sa mga nagtumbahang puno, nagkalat na kahoy at mga yero.