Klase, pasok sa gobyerno bukas, Sept. 26 sa NCR at marami pang lugar sa Luzon at Visayas sinuspinde ng Malakanyang

Sinuspinde ng Malakanyang ang klase sa lahat ng antas at trabaho sa gobyerno bukas, Sept. 26 sa Metro Manila at maraming pang mga lugar sa Luzon at Visayas dahil sa banta ng bagyong Opong.

Ayon sa Memorandum Circular na nilagdaan ni Executive Secretary Lucas Bersamin, batay sa rekomendasyon ng National Disaster Risk Reduction and Management Council, walang pasok sa all levels at walang pasok sa mga tanggapan ng gobyerno sa sumusunod na mga lugar:

– Metro Manila
– Biliran
– Eastern Samar
– Northern Samar
– Samar
– Masbate
– Romblon
– Sorsogon

Ang mga tanggapan ng gobyerno na responsable sa basic, vital, at health services, preparedness and response ay mananatiling operational.

Suspendido din ang klase sa lahat ng antas sa sumusunod na mga lalawigan bukas, Sept. 26:

– Aklan
– Albay
– Antique
– Batangas
– Bataan
– Camarines Norte
– Camarines Sur
– Capiz
– Cavite
– Catanduanes
– Guimaras
– Iloilo
– Laguna
– Leyte
– Marinduque
– Negros Occidental
– Oriental Mindoro
– Rizal
– Quezon

Maliban sa anunsyong ito ng Palasyo ng Malakanyang maraming iba pang lokal na pamahalaan ang nauna na ring nagpatupad ng suspensyon ng klase dahil sa banta ng bagyong Opong. (DDC)