Non-essential travel sa Metro Manila iwasan muna – MMDA

Nagpulong ang Metro Manila Disaster Risk Reduction and Management Council para isapinal ang ipatutupad na contingency plans sa paghahanda sa magiging epekto ng Bagyong Opong sa National Capital Region.

Tiniyak ni MMDA Chairman at concurrent MMDRRMC head Don Artes na handa ang Metro Manila sa posibleng epekto ng bagyo.

Hinikayat ni Artes ang publiko na iwasan muna ang non-essential travel bukas, araw ng Biyernes, Sept. 26 at sa weekend.

Activated na ang Emergency Operations Center ng MMDA para masusing mabantayan ang sitwasyon.

Nakatakdang mag-deploy ang MMDA ng 380 personnel nito n amula sa kanilang Road Emergency Group, Public Safety Division, Metro Parkways Clearing Group, Sidewalk Clearing Operations Group, Traffic Engineering Center, Flood Control and Sewerage Management Office, Command Center, Metrobase, Public Information Office, K-9 Search and Rescue Unit, at Transport Unit.

Naka-preposition na din ang emergency response equipment kabilang ang mga rubber boats, orange boats na may outboard motors, chainsaws, at iba pang gamit. (DDC)