Usec ng DepEd na pinangalanan sa flood control mess naghain ng leave of absence

Kinumpirma ni Education Secretary Sonny Angara na naghain ng leave of absence si DepEd Undersecretary Trygve L. Olaivar.

Ito ay makaraang mapangalanan si Olaivar sa imbestigasyon ng Senate Blue Ribbon Committee na kabilang umano sa mga tumanggap ng kickback sa flood control projects.

Ayon kay Angara, ang paghahain ng leave of absence ni Olaivar ay bahagi ng due process.

Tiniyak din ng kalihim sa publiko na pinapanatili ng DepEd ang highest standards of integrity sa kanilang pagganap sa tungkulin.

Nananatili din aniyang nakatutok ang DepEd sa tungkulin nitong maghatid ng de kalidad ng edukasyon sa bawat mag-aaral.

Sa kaniyang pahayag ay itinanggi ni Olaivar ang mga alegasyon at sinabing handa siyang humarap sa anumang imbestigasyon. (DDC)

= = = = ==