Ghost flood control ng kumpanya ni Discaya nadiskubre sa Davao Occ

Ininspeksyon ni Department of Public Works and Highways Secretary Vince Dizon kasama ang Independent Commission for Infrastructure ang isang flood control project sa Jose Abad Santos, Davao occidental.

Ayon kay Dizon, ang proyekto sa Culaman Bridge ay isang halimbawa ng ghost project dahil nabayaran na ito ng buo, pero nadatnan nila sa lugar na halos kasisimula lamang gawin ang proyekto.

Pinondohan ang proyekto noong nakaraang administrasyon o taong 2021.

Inamin ng assigned District Engineer na si Rodrigo Larete na fully paid na ang Discaya-owned St. Timothy Construction Company bilang nanalong bidder para sa proyekto.

Layon sana ng nasabing proyekto na maiwasan ang pagbaha sa kalapit na komunidad at paaralan. (DDC)