Mga rehiyong tatamaan ng bagyong Opong may sapat na suplay ng gamot – DOH

Tiniyak ng Department of Health na may sapat na suplay ng gamot sa mga rehiyon na tatamaan ng bagyong Opong.

Ayon sa DOH, handa ang DOH-Bicol Region, Western Visayas at Eastern Visayas sa epekto ng bagyo.

Kabilang sa maagang pinaghandaan ang pagtitiyak ng sapat na suplay ng gamot, surgical masks, at iba pang health commodities.

Kabilang dito ang mga gamot gaya ng Doxycycline, Oral Rehydration Salt, at mga gamot sa ubo, sipon, at lagnat.

Ikinasa din ang pagpapalaganap ng impormasyon tungkol sa leptospirosis, pamamahagi ng malinis na tubig, at paghahanda ng Health Emergency Response Teams. (DDC)