Pangalan ng mga kongresista at hindi pangalan ng mga senador ang nasa files ni Brice Hernandez

Nilinaw ni dating Bulacan 1st District assistant engineer Brice Hernandez na pangalan ng mga kongresista at hindi mga senador ang nilalaman ng kaniyang computer na sangkot umano sa anomalya sa flood control projects.

Ang paglilinaw ay kasunod ng pahayag sa media ng abogado ni Hernandez na si Atty. Raymond Fortun, kung saan sinabi nitong apat na incumbent at dalawang dating senador ang maaaring masangkot pa sa isyu batay sa nilalaman ng files ni Hernandez.

Dahil dito ayon kay Senate President Tito Sotto III, “fake news” pala ang inilahad ni Fortun sa media.

Ani Hernandez maaaring nagkaroon lamang ng misunderstanding sa isyu.

Hiniling naman ni Senator Ronald “Bato” Dela Rosa na maimbitahan si Fortun sa susunod na pagdinig ng Senate Blue Ribbon Committee. (DDC)