Pagdadawit sa kaniya sa flood control mess bahagi ng “well orchestrated plan” ayon kay Sen. Escudero

Tinawag ni Senator Chiz Escudero na malisyoso ang mga akusasyon ni dating Department of Public Works and Highways Usec. Roberto Bernardo sa pagdinig ng Senate Blue Ribbon Committee.

Ayon kay Escudero, mismong si Bernardo na ang nagsabing hindi sila personal na nagkausap sa isyu.

Sinabi ni Escudero mukhang mayroong well-orchestrated plan para atakehin ang senado at ang mga miyembro nito na layong sirain ang institusyon at ibaling ang atensyon ng publiko sa totoong mga nasa likod ng anomalya.

Ayon sa dating senate president, kung pagbabasehan ang pahayag ni Bernardo ay tila inabswelto sina Rep. Zaldy Co at House Speaker Martin Romualdez.

Ani Escudero, sa 27-taon niya sa public service, kahit minsan ay hindi siya nasangkot at nakasuhan ng korapsyon.

Kumpiyansa ang senador na kapag naglabasan ang lahat ng katotohan ay malilinis ang kaniyang pangalan. (DDC)