Mga Pinoy sa Hong Kong pinayuhang manatili sa tahanan; Signal No. 8 nakataas pa rin dahil sa Typhoon Ragasa

Pinaalalaanan ng konsulada ng Pilipinas ang mga Pinoy sa Hong Kong na mag-ingat sa pananalasa ng bagyong Ragasa.

Ayon sa abiso ng konsulada, itinaas ng Hong Kong Observatory ang Storm Signal No. 8.

Paalala ng konsulada sa mga Pinoy sa Hong Kong, iwasan muna ang paglabas-labas at manatili sa indoors.

Dahil sa Typhon Ragasa dalawang magkasunod na araw nang sarado ang tanggapan ng konsulada.

Ang mga Pinoy na mangangailangan ng agarang tulong ay maaaring tumawag sa numerong 9155 4023. (DDC)