DSWD nangangailangan ng volunteers para sa mas mabilis na produksyon ng food packs

Nangangailangan ng volunteers ang Department of Social Welfare and Development para sa mas mabilis na produksyon ng family food packs sa kanilang Luzon Disaster Resource Center sa Pasay City.

Ayon kay DSWD Asst. Secretary Irene Dumlao, dahil inaasahan ang mas madalas na pagkakaroon ng bagyo sa bansa, kailangang makapaghanda ng maraming food packs ang DSWD.

Sa ngayon ay tumutulong sa produksyon ng food packs ang mga benepisyaryo ng cash-for-work gaya ng mga TUPAD beneficiaries.

Sa mga nais maging volunteer, maaaring magpadala ng mensahe sa viber sa numerong 0962-9849002.

Para sa mga magvo-volunteer, pinapayuhan silang magsuot ng komportableng damit, closed shoes, magdala ng bottled water at packed meals. (DDC)