LTO sa mga motorista: Ipagpaliban muna ang pagbiyahe sa Bicol Region, Visayas at Mindanao

Nagpalabas ng travel advisory ang Land Transportation Office na humihikayat sa mga motorista na ipagpaliban ang kanilang biyahe patungong Bicol region, Visayas at Mindanao.

Ayon kay LTO Chief, Assistant Secretary Atty. Vigor D. Mendoza II tugon ito ng ahensya sa kahilingan ng National Disaster Risk Reduction and Management Council dahil sa inaasahang epekto ng bagyong Ompong.

Sinabi ni Mendoza na kailangan ding maiwasan ang pagdagsa ng mga biyahero sa mga kalsada, at sa mga pantalan dahil maaaring ma-stranded lamang sila kapag nagsimula nang manalasa ang bagyo.

Inatasan n ani Mendoza ang mga tanggapan ng LTO na sakop ng travel advisory na masusing bantayan ang sitwasyon sa kanilang nasasakupan. (DDC)