Lamborghini ni Brice Hernandez isinauli sa ICI

Isinauli na ni dating Department of Public Works and Highways Asst. District Enginer Brice Hernandez ang kaniyang sasakyang Lamborghini.

Ang sasakyan ay dinala sa tanggapan ng Independent Commission for Infrastructure o ICI ngayong Miyerkules, Sept. 24.

Ayon kay ICI Special Adviser Benjie Magalong, tinatayang nasa 30 hanggang 40 million pesos ang presyo ng nasabing sasakyan.

Nauna nang isinauli ni Hernandez ang isa rin niyang luxury vehicle na na GMC Denali na nagkakahalaga ng 10 hanggang 12 million pesos.

Ayon kay Magalong isasauli din ni Hernandez ang kaniyang Ferrari pero kailangan pa itong ipasuri dahil ayaw aniyang mag-start ng sasakyan. (DDC)