DBM aprubado ang pagpapalabas ng P1.64B na pondo para sa PBB ng mga sundalo

Aprubado na ng Department of Budget and Management ang pagpapalabas ng pondo para sa 2023 Performance Based Bonus ng mahigit 110,000 na kwalipikadong empleyado ng Philippine Army.

Ayon kay DBM Secretary Amenah Pangandaman, nagkakahalaga ito ng kabuuang 1.64 billion pesos na ipamamahagi sa 110,688 na mga sundalo.

Sa ilalim ng inaprubahang pagpapalabas ng pondo, bawat eligible AFP-PA official and employee ay tatanggap ng PBB na katumbas ng 45.50 percent ng kanilang monthly basic salary.

Ang pondo ay kukunin sa Miscellaneous Personnel Benefits Fund sa ilalim ng 2025 General Appropriations Act.

Ayon sa DBM ang pagpapalabas ng pondo para sa PBB ng mga sundalo ay bahagi ng hakbang ng administrasyon ni Pangulong Ferdinand Marcos Jr. na masuportahan ang ang kapakanan ng mga empleyado ng gobyerno.

= = = = =