Higit P113K na halaga ng shabu nakumpiska, suspek timbog sa Taguig City
Nakumpiska ng otoridad ang ₱113,560.00 na halaga ng hinihinalang shabu at naaresto ang isang tinaguriang street-level individual (SLI) sa ikinasang buy-bust operation sa Chino Roces Avenue Extension, Barangay Fort Bonifacio, Taguig City.
Ang suspek ay kinilalang si alyas “Ivan”,23-anyos, at nakatira sa Brgy. 130, Pasay City.
Sa ulat na natanggap ng Southern Police District (SPD) ang mga operatiba ng Station Drug Enforcement Unit ng Taguig City Police Station sa pangunguna ni Cpt Kenny Khamar D. Khayad ang nagsagawa ng operasyon na nagresulta ng pagkaaresto ng suspek at narekober ang tinatayang 16.7 na gramo ng umano’y shabu, buy-bust money, at coin purse.
Nasa kustodiya ng pulisya ang suspek at mahaharap sa kasong paglabag sa Comprehensive Dangerous Drugs Act of 2002.
“This arrest demonstrates our sustained and aggressive campaign against illegal drugs. We will not stop pursuing drug offenders at every level to ensure the safety and security of our communities,” pahayag ni Col. Byron F Allatog, Acting Chief Of Police ng Taguig CPS. (Bhelle Gamboa)
