DOH binabantayan ang kalusugan ng mahigit 17,000 na nasa evacuation centers sa Cagayan Valley

Tiniyak ng Department of Health na masusing binabantayan ang kalusugan ng mahigit 17,000 katao na nasa mga evacuation center sa Cagayan Valley.

Ito ay kasunod ng pagtama ng Super Typhoon Nando na nanalasa sa mga bayan sa Cagayan lalo na sa Calayan.

Ayon sa DOH, patuloy ang pamamahagi ng mga libreng gamot at pagsasagawa ng konsultasyon sa mga evacuation center sa rehiyon.

Ito ay para masigurong maayos ang kalusugan ng mga inilikas at maiwasan ang paglaganap ng sakit.

Sa kasalukuyan, 17,583 na katao ang nananatili sa 286 evacuation centers sa rehiyon. (DDC)