Tatlong lansangan patungong Baguio sarado sa mga motorista
Isinara sa mga motorista ang tatlong kalsada na papasok sa Baguio City.
Iniutos ng Department of Public Works and Highways – Cordillera ang immediate road closure sa sumusunod na kalsada:
– Kennon Road
– Marcos Highway (Aspiras–Palispis Highway)
– Asin–Nangalisan–San Pascual Road
Ayon sa DPWH, nakapagtala kasi ng landslides, falling debris at road obstructions sa nasabing mga kalsada dahil sa nararanasang patuloy na pag-ulan.
Pinayuhan ng DPWH-Cordillera ang publiko na iwasan muna ang bumiyahe patungong Baguio City.
Sa ngayon ay patuloy ang isinasagawang clearing operations sa mga apektadong lansangan. (DDC)
