2 Taiwanese illegal recruiters timbog sa NAIA

Arestado ang dalawang Taiwanese nationals na sangkot sa illegal recruitment ng mga Pinoy para magtrabaho sa online scam hubs sa ibang bansa.

Sa operasyon sa Ninoy Aquino International Airport Terminal 3 nailigtas din ang limang biktima na nakatakda na sanang umalis patungong Cambodia.

Ayon sa Department of Migrant Workers, ang naaresto ay sina You-De Zeng at Hou-Lin Pan.

Pinangakuan nila ang mga biktima ng trabaho bilang “customer service representatives” sa Cambodia at susweldo ng 800 hanggang 1,000 US Dollars kada buwan.

Mahaharap ang dalawang dayuhan sa kasong recruitment at human trafficking sa ilalim ng Migrant Workers and Overseas Filipinos Act. (DDC)