216 na sangkot sa riot sa Maynila hawak ng MPD
Umakyat na sa 216 na mga sangkot sa riot sa Maynila ang hawak ng Manila Police District.
Ayon kay Manila City Mayor Francisco “Isko” Moreno Domagoso sa nasabing bilang 127 ang nasa wastong gulang at 89 naman ang menor de edad.
Sinabi ni Moreno na agad isasailalim sa inquest proceedings ang mga naarestong sangkot sa kaguluhan.
Ayon sa alkalde, iniimbestigahan na nila ang posibilidad na mayroong nasa likod ng nasabing mga Kabataan na naghasik ng gulo sa September 21 anti-corruption rally.
Ani Moreno, may mga napabalita na mga instigator or nagplano na magbigay ng pera o pondo sa ilang mga indibidwal na nanggulo at ipauubaya na niya sa PNP ang pagkakasa ng imbestigasyon tungkol dito. (DDC)
