Brice Hernandez nag-tell all sa ICI

Humarap sa pagdinig ng Independent Commission for Infrastructure si dating assistant district engineer ng Department of Public Works and Highways Brice Hernandez.

Ayon kay ICI Special Adviser Benjie Magalong, nag-“tell all” at walang itinago si Hernandez sa kaniyang pagharap sa pagdinig na idinaos sa ICI office sa Taguig.

Sinabi ni Magalong na “very cooperative” si Hernandez at sinagot ang lahat ng mga tanong nang malaya at walang pagkukubli.

Nangako din umano si Hernandez na patuloy na makikipagtulungan sa komisyon at ilalantad ang lahat ng kaniyang nalalaman.

Hindi naman binanggit ni Magalong kung sinu-sino ang mga bagong pinangalanan ni Hernandez pero aniya, may mga “unexpected names” itong naisiwalat sa ICI.

Samantala kinumpirma ni Magalong na humarap na din sa ICI si dating DPWH Secretary Manuel Bonoan. (DDC)