Pagtatalo sa traffic sa Parañaque City nauwi sa pananaksak

Sugatan sa pananaksak ang isang traffic enforcer makatapos makaalitan ang isang driver ng jeep sa Parañaque National High School sa Barangay San Dionisio.

Pinara ng enforcer ang pampasaherong jeep dahil sa pagsasakay nito ng pasahero sa bawal na lugar pero sa halip na huminto, tinangka ng drover ng jeep na sagasaan ang enforcer.

Pagkatapos ay bumaba pa ang driver at saka inundayan ng saksak ang enforcer na nagtamo ng sugat sa kaliwang bahagi ng kaniyang tiyan.

Mabilis namang naka-responde ang isang tauhan ng Aviation Securitiy Group at nadisarmahan ang 65-anyos na driver ng jeep.

Ginagamot na sa Ospital ng Parañaque ang enforcer habang inihahanda naman ng pulisya ang pagsasampa ng reklamong Frustrated Homicide laban sa driver ng jeep na nakakulong sa Parañaque City Police Station. (DDC)