Demolisyon sa 10 lumang istasyon ng PNR sinimulan na

Pinamamadali ni Acting Transportation Secretary Giovanni Lopez ang konstruksyon ng Manila-Laguna segment ng North-South Commuter Railway upang mapakinabangan na ng commuters.

Ayon kay Lopez sinimulan na ang paggiba sa sampung lumang istasyon ng PNR mula Sta. Mesa sa Maynila hanggang Cabuyao, Laguna para mapabilis ang konstruksyon.

Ayon sa DOTr umarangkada na ang demolisyon sa sumusunod na mga istasyon:

– Cabuyao
– Sta. Rosa
– Alabang
– Bicutan
– Blumentritt
– Sucat
– Muntinlupa
– Biñan
– San Pedro
– Mamatid

Inaasahan ng DOTr na pagsapit ng 2026 ay mareresolba na ang lahat ng issue sa right-of-way para sa North-South Commuter Railway.

Inaasahang matatapos ang buong NSCR system sa 2032 pero ang operasyon ng Malolos-Valenzuela segment ay target masimulan sa taong 202, habang taong 2028 naman magiging operational ang Malolos-Clark segment.

Oras na maging operational ang kabuuan ng NSCR, tinatayang 800,000 commuters ang makikinabang dito kada araw. (DDC)