PPA kinondena ng pananambang sa isa nilang opisyal sa Palawan

Kinondena ng Philippine Ports Authority ang pagpatay sa isang abogado sa Palawan na kasalukuyang officer-in-charge sa Administrative Division ng Port Management Office – Palawan.

Sa pahayag ng PPO, nanawagan ito sa mga otoridad na gawin ang lahat upang maaresto ang suspek sa pananambang.

Ayon sa ulat ng pulisya, kauuwi lamang ni Atty. Joshua Abrina nang siya ay tambangan habang nasa labas ng kanilang bahay sa Puerto Princesa City noong Miyerkules, Sept. 17 ng gabi.

Kagagaling lamang noon ni Abrina sa isang prayer meeting kasama ang kaniyang pamilya.

Nagpaabot ng pakikiramay ang PPA sa mga naulila ng biktima at tiniyak din ang pakikipagtulungan sa mga otoridad. (DDC)