Mga manggagawa sa Central Visayas may aasahang dagdag-sahod

May dagdag-sahod na aasahan ang mga minimum wage earners sa Central Visayas.

Ayon sa National Wages Productivity Commission, epektibo sa October 4, tataas ng P39 ang minimum wage sa mga Class A cities and municipalities habang P37 hanggang P47 naman ang dagdag para sa nasa Class B cities and municipalities at iba pang lugar na hindi sakop ng Class A.

Kapag umiral na ng dagdag sahod, magiging P540 na ang daily minimum wage ng mga manggagawa sa Class A cities and municipalities.

Habang magiging P500 na ang arawang sahod ng mga manggagawa sa Class B cities and municipalities.

Samantala, epektibo din sa October 4, magiging P7,000 na ang buwanang sahod ng mga kasambahay sa buong Central Visayas. (DDC)