DSWD naghanda ng higit 2M food packs at iba pang relief items para sa mga lugar na maapektuhan ng bagyong Mirasol
Naka-standby na ang quick response team ng Department of Social Welfare and Development (DSWD) sa mga lugar na madaraanan ng Tropical Depression (TD) Mirasol upang asistehan ang mga local government units (LGUs) na maaapektuhan ng pinakabagong weather system sa bansa.
“Our frontline disaster response personnel especially in areas that have been identified to be affected by TD Mirasol are closely monitoring the situation so that we can send help immediately where it is much-needed,” pahayag ngayong Miyerkules ni Asst. Secretary Irene Dumlao ng Disaster Response Management Group (DRMG)at tumatayong tagapagsalita ng DSWD.
Sinabi ni Asst. Secretary Dumlao na ang DSWD ay mayroong 2,578,821 boxes ng family food packs (FFPs) na nakaposisyon na sa warehouses ng ahensiya sa buong bansa at handa anumang oras na ipamamahagi sa napapanahong relief operations.
Kasama rito ang 114,623 ready-to-eat food (RTEF) boxes n nakalaan para sa mga posibleng ma-stranded dahil sa suspensiyon ng biyahe sa karagatan o sea travel.
Ang RTEFs ay magsisilbing agarang food source ng mga evacuees upang tiyakin na ang kanilang karaniwang pangangailangan ay maibibigay habang ang LGUs naman ang magtatrabaho sa pagtatayo ng community kitchens.
“We also have 313,064 non-food items (NFIs) such as blankets, family, hygiene, kitchen kits and modular tents that we can provide for those who will be urged to take temporary shelter in evacuation centers,” sabi ni ASec Dumlao.
Ayon pa sa opisyal ng DRMG nagpapatuloy ang puspusang koordinasyon sa pagitan ng DSWD at LGUs alinsunod sa mga direktiba ni Secretary Rex Gatchalian.
“We will see to it that we will act fast to augmentation requests from our LGUs. Importante ito para sa atin para siguradong mabilis at sapat yung resources ng mga lokal na pamahalaan as the very frontline disaster responders to their disaster-hit constituents. Ang mahalaga, gaya nga ng laging binabanggit ng ating Pangulo, walang Pilipinong magugutom sa gitna ng sakuna,”dagdag pa ni ASec Dumlao.
Ang DSWD bilang member-agency ng National Disaster Risk Reduction and Management Council (NDRRMC) ay makikipag-ugnayan para sa anumang mahalagang update s magiging epekto ng Bagyong Mirasol partikular sa Department of Science and Technology (DOST)-Philippine Atmospheric, Geophysical and Astronomical Services Administration (PAGASA).
Kaninang alas-8:00 ng umaga ng Setyembre 17, ang Bagyong Mirasol ay matatagpuan sa pagdaaan sa hilagang Luzon matapos itong maglandfall sa Aurora province ayon sa DOST-PAGASA.
“We are urging our kababayans to be vigilant and heed all orders from their local government units for their safety,” wika ni ASec Dumlao. (Bhelle Gamboa)
