16 na lugar isinailalim sa Signal No. 1 dahil sa bagyong Mirasol

Isa nang ganap na bagyo ang Low Pressure Area na binabantayan ng PAGASA sa bahagi ng Quezon na pinangalanang Mirasol.

Ang bagyo ay huling namataan ng PAGASA sa layong 210 kilometers East Northeast ng Infanta, Quezon.

Taglay nito ang lakas ng hangin na aabot sa 55 kilometers per hour malapit sa gitna at pagbugso na aabot sa 70 kilometers per hour.

Kumikilos ang bagyo sa bilis na 25 kilometers per hour sa direksyong northwest.

Itinaas na ng PAGASA ang Tropical Cyclone Wind Signal Number 1 sa sumusunod na mga lugar sa Luzon:

Batanes
Cagayan including Babuyan Islands
Isabela
Quirino
northeastern portion of Nueva Vizcaya
northern and central portions of Aurora
Apayao
Kalinga
Abra
Mountain Province
Ifugao
Ilocos Norte
Polillo Islands
northern portion of Camarines Norte
northeastern portion of Camarines Sur
Catanduanes

Ayon sa PAGASA, posibleng tumama ang sentro ng bagyo sa kalupaan ng Isabela o sa northern portion ng Aurora Sept. 17 ng umaga.

Sa Huwebes ng tanghali o gabi ay inaasahang lalabas na ng Philippine Area of Responsibility ang bagyo. (DDC)