SOVFA ikinakasa sa pagitan ng UK at Pinas

Ipinaabot ng United Kingdom ang naisin nitong pumasok sa Status of Visiting Forces Agreement o SOVFA sa Pilipinas.

Sa pagbisita sa Camp Crame ni Lord Vernon Coaker, Minister of State for Defence sa House of Lords of the United Kingdom, iniabot nito kay Defense Secretary Gilberto Teodoro, ang liham mula sa UK Secretary of State for Defence.

Sa nasabing liham, ipinababatid ang naising magkaroon ng SOVFA sa pagitan ng Pilipinas at ng UK bilang parte ng inisyatiba sa lumalawak na pagtutulungan ng Europa at Indo-Pacific sa pagsusulong ng rules-based international order.

Nagkasundo naman ang dalawang opisyal na sisimulan na ang kani-kanilang internal processes na susundan ng formal negotiations para sa panukalang SOVFA.

Sa ilalim ng panukalang kasunduan, inaasahan na mas mapapabuti pa ang operational collaboration at interoperability sa pagitan ng Armed Forces of the Philippines at ng British Armed Forces. (DDC)