LPA na binabantayan ng PAGASA, bagyong Mirasol na

Naging ganap nang bagyo ang isang Low Pressure Area na binabantayan ng PAGASA sa loob ng Philippine Area of Responsibility.

Pinangalanan itong “Mirasol” na huling namataan ng PAGASA sa layong 215 kilometers East Northeast ng Infanta, Quezon.

Taglay ng bagyo ang lakas ng hangin na aabot sa 55 kilometers per hour malapit sa gitna at pagbugsong aabot sa 70 kilometers per hour.

Kumikilos ng bagyo sa bilis na 25 kilometers per hour sa direksyong northwest.

Samantala ang isa pang LPA na binabantayan ng PAGASA sa loob ng bansa ay mababa ang tsansang maging ganap na bagyo sa susunod na 24 na oras. (DDC)