Infracomm ng Kamara makikipagtulungan sa binuong Independent Commission

Tuloy ang imbestigasyon ng House Infrastructure Committee mga anomalya sa flood control at iba pang infrastructure projects kasabay ng pagsisiyasat din ng binuong Independent Commission on Infrastructure.

Ayon kay InfraComm Co-chairperson, Representative Terry Ridon handa din ang kanilang komite na ibahagi ang kanilang mga impormasyong makakalap maging ang magiging rekomendasyon sa binuong ICI ng Malakanyang.

May nakatakda pa aniyang isa pang imbestigasyon ang komite at pagkatapos ay magdedesisyon kung itutuloy o sususpindehin na ang imbestigasyon.

Nais pa kasi aniyang tukuyin ng komite kung sino ang nagpayo sa mga Discaya para magbanggit lamang ng ilang mga pangalan ng opisyal ng gobyernong sangkot umabot sa flood control projects anomaly.

Halata ayon kay Ridon na mayroong nagturo sa mag-asawang Discaya para sentrohan lamang ang taong 2022 onwards sa kanilang magiging testimonya. (DDC)