Suplay ng kuryente sa Boracay naibalik na matapos ang outage noong Sabado

Naibalik na sa normal ang suplay ng kuryente sa Boracay Island at ilang kalapit na lugar matapos ang naranasang outage noong Sabado, Sept. 13.

Ayon sa Department of Energy, alas 2:55 na ng hapon ng Lunes, Sept. 15 nang maibalik ang normal na suplay ng kuryente sa Boracay Island, at sa bayan ng Malay, at Buruanga dahil kinailangang ihinto ang restoration works Linggo ng gabi dahil sa high tide.

Nabatid ng National Grid Corporation of the Philippines at Aklan Electric Cooperative na ang dahilan ng outage ay ang nasirang underground cables malapit sa Caticlan Airport arrival area.

Ayon kay Energy Secretary Sharon S. Garin, tiniyak din ng NGCP ang pagsasagawa ng permanenteng repair sa underground cables sa isla para mas masiguro ang reliable na suplay ng kuryente.

Inaasahan din ng NGCP na makukumpleto ngayong taon ang Nabas–Caticlan–Boracay Transmission Line Project (DDC)