800 Las Piñeros nabenepisyuhan sa “Aivee Beyond Borders” Free Medical Mission

Naghatid ng dekalidad na alagang medikal sa komunidad si Mayor April Aguilar kasama si Vice Mayor Mel Aguilar at ng The Aivee Group sa pangunguna ni Dra. Aivee Aguilar sa pamamagitan ng isinagawang “Aivee Beyond Borders” free medical mission sa Equitable Covered Court, Barangay Talon Kuatro.

Umabot sa 800 na Las Piñeros ang nabenepisyuhan mula sa naturang aktibidad kung saan tumanggap sila ng ekspertong konsultasyon, wastong pamamamaraan ng panggagamot, libreng mga gamot at creams o mga pamahid sa balat gayundin ng follow-up guidance.

Ang kaganapan ay nagsilbing selebrasyon sa diwa ng komunidad kung saan namahagi ang City Nutrition Office at Potdogs ng libreng pagkain at meryenda habang nagbigay ng giveaways ang The Aivee Group at ng Pamahalaang Lungsod ng Las Piñas.

Naging posible ang pagsasagawa ng raffle sa tulong ng mga sponsors kabilang ang Unilab Foundation, Omni Med Hub Corporation, Vanguard, Siklab, at ni Bb. Maribel Mijares.

Kasama ni Mayor April sina Congressman Mark Anthony Santos, Councilor Alelee Aguilar, at ang espesyal na panauhin na si Mika Salamanca, PBB Celebrity Collab Big Winner na nagpakita ng kanyang suporta para sa mga benepisyaryo.

Muling inihayag ng alkalde ang kanyang pangako na maghatid ng dekalidad na serbisyong pangkalusugan ng mas malapit sa mga mamamayan ng lungsod.Sa pamamagitan ng pagkakapit-bisig aniya ng medical experts, civic leaders, at mababait na partners, sinisiguro ng Las Piñas ang accesss ng bawat Las Piñero sa napapanahon at makabuluhang pangangalagang kalusugan. (Bhelle Gamboa)