Mga nasunugan sa Happyland sa Tondo bibigyan ng tulong-pinansyal

Inaprubahan ni Manila Mayor Isko Moreno ang pagpapalabas ng pondo para sa pamamahagi ng tulong-pinansyal sa mga pamilyang naapektuhan ng sunog sa Happyland, Tondo, Maynila.

Ayon kay Moreno, malaki po ang nangyaring sunog sa Happyland na umabot sa Task Force Bravo.

Sinabi ng alkalde na ipamamahagi ang tulong-pinansyal sa lalong madaling panahon upang makapagbigay suporta sa pagbangon ng mga nasunugan.

Sa huling datos ng Manila Department of Social Welfare aabot sa pitongdaang (700) pamilya ang naapektuhan ng sunog at nagpapatuloy pa ang validation at pagtatala sa mga napinsala.

Naapektuhan ng sunog ang Buildings 7 at 8 sa Barangay 105 Happyland. (DDC)