Mga Pinoy sa Doha ligtas matapos ang Air Strike ng Israel

Walang Pinoy na naapektuhan ng pagsabog sa Doha, Qatar kasunod ng airstrike ng Israel.

Ayon sa pahayag ng Philippine Embassy sa Qatar, batay sa abiso ng mga otoridad ligtas na ang kasalukuyang sitwasyon sa Doha at nagpapatuloy ang full investigation sa serye ng pagsabog na nangyari noong Miyerkules, Sept. 9.

Hinimok naman ng embahada ang mga Pinoy na agad makipag-ugnayan sakaling kailangan nila ng agarang tulong.

Normal ang operasyon ng embahada araw ng Huwebes at ang mga Filipino nationals na mayroong transaksyon ay maaaring magtungo sa opisina ng embassy.

Pero inabisuhan ang mga Pinoy kaugnay sa mga road closures at mas mahigpit na security presence sa palibot ng embahada lalo at malapit ito sa lugar na pinangyarihan ng mga pagsabog. (DDC)