NPA dedo, armas narekober sa engkwentro sa Mindoro

Dedo ang isang teroristang New People’s Army sa engkwentro sa mga sundalo sa Roxas, Oriental Mindoro.

Ayon sa report ng 203rd Infantry Brigade nagsasagawa ng regular na security operations ang mga sundalo nang matanggap ang sumbong mula sa mga residente tungkol sa presensya ng armadong mga lalaki sa Barangay San Vicente.

Umabot sa sampung minuto ang itinagal ng palitan ng putok sa pagitan ng mga sundalo at mga terorista.

Inaalam pa ang pagkakakilanlan ng nasawing rebelde.

Narekober naman sa lugar ang isang M16 rifle, dalawang magazines, isang medical kit at mga dokumento. (DDC)