“BGC Boys”; 6 na DPWH engineers, 1 contractor umaabot sa P950M ang transaksyon sa casino

Ibinunyag ni Senate President Pro Tempore Panfilo Lacson na umaabot sa P950 million ang casino transactions ng tinaguriang “BGC Boys” o Bulacan Group of Contractors.

Sa kaniyang privilege speech, inilantad ni Lacson ang cash-to-chips at chips-to-cash records sa nasa labingtatlong (13) casinos na nagpapakita ng mga transaksyon ng mga engineer ng Department of Public Works and Highways at kasama nilang contractors.

Posibleng pasok sa money laundering ang modus ng BGC Boys ayon kay Lacson.

Tinukoy ni Lacson ang mga sangkot sa pagka-casino na sina Brice Ericson Hernandez, na gumagamit ng alyas na “Marvin Santos de Guzman” at nakapagpatalo ng P435 million sa casino; Jaypee Mendoza, alyas “Peejay Castro Asuncion,” na nakapagpatalo ng P418 million; Henry Alcantara, later OIC assistant regional director for Region 4A, alyas “Joseph Castro Villegas,” na nakapatalo ng P36.7 million.

Pinangalanan din ni Lacson si ang isa ring DPWH Engineer na si Arjay Domasig at ang contractor Edrick San Diego.

Pinabubusisi n ani Lacson sa AMLAC ang mga nakalap nitong ebidensya. (DDC)