Publiko binalaan sa mga nagbabahay-bahay, nagpapanggap na taga-PSA

Binalaan ng Philippine Statistics Authority ang publiko laban sa phishing scams na ipinadadala sa email gamit ang email display name na “𝐩𝐡𝐢𝐥𝐬𝐲𝐬.𝐠𝐨𝐯.𝐩𝐡” at sa mga nagsasagawa ng house-to-house visits na nagpapanggap na taga-PSA.

Ayon sa PSA, ang nasabing mga indibidwal ay layong makuha ang personal information, sa pamamagitan ng pag-aalok ng tulong para i-update umano ang National ID registration.

Sinabi ng PSA na dapat maging maingat ang publiko at tiyakin kung ang kanilang kausap ay otorisado ba talaga ng agensya.

Ipinaliwanag ng ahensya na ang pag-update sa National ID ay maaaring gawin sa ilang National ID registration centers.

Sinabi ng PSA na hindi rin kukulekta ng data at photos ang ahensya kapalit ng anumang halaga. (DDC)

4