30 sasakyan ng mga Discaya iniimbestigahan ng BOC

Tatlumpung (30) sasakyan na ngayon ng mga Discaya ang nasa kostodiya ng Bureau of Customs.

Ayon kay Customs Commissioner Ariel Nepomuceno, mula sa unang labingdalawang (12) sasakyan na umakyat sa dalawampu’t walo (28) ay nadagdagan pa ng dalawa (2) ang mga sasakyan ng Discaya na sinusuri ngayon ng BOC.

Sa ngayon sinabi ni Nepomuceno na nagpapatuloy ang imbestigasyon ng ahensya sa mga magagarang sasakyan ng mag-asawang Discaya.

Tutukuyin ng BOC kung mayroong tax liabilities sa ginawang pagbili ng mga Discaya sa kanilang mga sasakyan.

Siniguro ng opisyal na may mananagot sakaling mapatunayan na may paglabag sa anti-smuggling laws sa pagbili ng magagarang mga saskayan.

Samantala sinabi ni Nepomuceno na damay din sa imbestigasyon nila ang mga luxury vehicles na iniuugnay sa mga opisyal at dating opisyal ng Department of Public Works and Highways na nabanggit sa imbestigasyon ng Senate Blue Ribbon Committee. (DDC)