Contractor ng ginagawang Passenger Terminal Bldg. sa Zamboanga Port, terminated na

Iniutos ng Philippine Ports Authority ang pag-terminate sa contractor ng ginagawang Passenger Terminal Building sa Zamboanga Port.

Ayon kay to PPA Assistant General Manager for Engineering Engr. James Gantalao, sa kabila ng paulit-ulit na pagpapadala ng notice at warnings, nagpatuloy ang delay, design misalignment, at ilang beses na time extensions na ibinigay sa contractor.

Sinabi ni Gantalao na ang disenyo ng proyekto na inilatag noon pang 2021 ay hindi na nakatutugon sa kasalukuyang operational requirements ng paliparan.

Nabinbin ang Zamboanga Port project dahil sa pandemya ng COVID-19 pandemic. Gayunman, kahit pagkatapos ng pandemia ay nananatiling mabagal ang usad ng proyekto.

Ang Zamboanga Port ang major hub para sa mga pasahero at cargo traffic mula Zamboanga Peninsula, Basilan, Sulu, at Tawi-Tawi. (DDC)