Pagtawag sa Unified 911 libre ayon sa DILG
Walang bayad o walang mababawas sa load kung tatawag sa Unified 911.
Ayon sa Department of the Interior and Local Government, sa ilalim ng mas pinaganda at sentralisadong Unified 911 Emergency Hotline, mabilis na makareresponde ang Philippine National Police, Bureau of Fire Protection, at Bureau of Kail Management and Penology.
Tiniyak ng DILG na kahit mapahaba ang tawag, walang mababawas sa load ng caller kaya walang dapat na ipagalala.
Una nang sinabi rin ng DILG na naka-disenyo ang Unified 911 para tumanggap ng mga tawag kahit na ano pang diyalekto ng caller.
Ang pormal na pagulunsad ng Unified 911 Emergency Hotline ay isasagawa sa September 11, 2025. (DDC)
