Hinihinalang pekeng driver’s license ng 2 dating DPWH officials wala sa rekord ng LTO

Kinumpirma ng Land Transportation Office na peke ang driver’s license na ipinakita sa Senate hearing ng dalawang dating opisyal ng Department of Public Works and Highways.

Ayon kay LTO chief, Asst. Secretary Atty. Vigor Mendoza II, matapos mabatid ang nangyari agad niyang inatasan ang
Licensing Division na i-check kung valid ang ipinakitang driver’s license at batay sa kanilang rekord, walang inisysung driver’s license ang LTO sa nagngangalang Marvin Santos De Guzman at Joseph Castro Villegas.

Inatasan n ani Mendoza ang kanilang Intelligence and Investigation Division na mag-isyu ng Show Cause Order sa dalawang nabanggit na dating opisyal ng DPWH.

Tiniyak din ng LTO na makikipagtulungan ito sa Senate Blue Ribbon Committee at sa iba pang ahensya ng gobyerno sa ginagawang imbestigasyon. (DDC)