‘Paraña-CLEAN’ program pinakilos ang 16 barangays para patibayin ang Paran̈aque kontra baha

Ipinag-utos ng Pamahalaang Lungsod ng Paran̈aque sa lahat ng barangay nito para sa mandatory weekly clean-up drives kung saan direktang ipatutupad ng isang national directive mula sa Department of the Interior and Local Government (DILG) upang pagandahin ang katatagan ng komunidad laban sa baha.

Ang lokal na BarKaDa program, sa pamamagitan ng “Paraña-CLEAN: Bayanihan sa Kalinisan,” ay pinagandang operasyunal na pagtugon sa DILG Memorandum Circular No. 2024-059. Mandato nito na sa tuwing Sabado, simula Agusto 23, 2025, magmula alas-6:00 ng umaga hanggang 10:00 ng umaga, ang lahat ng komunidad ay sabay-sabay na lilinisan ang mahahalagang imprastrukturang pangbaha.

Ang ganitong agarang inisyatiba ay tumutugon sa mapaminsalang mga bagyo na nanalasa noong Hulyo—Crising, Dante, at Emong—at ng pinaigting pa ng Habagat na nagdulot ng baha sa mabababang lugar, nagpalikas sa maraming pamilya, at nagpaantala sa lokal na ekonomiya.

Ang DILG memo na may petsang Agosto 20 na nilagdaan ni DILG-Parañaque City Director John Visca, ay nagtakda ng balangkas para sa pinangungunahang aksyon ng gobyerno upang makabahagi sa malawakang responsilibidad sa komunidad. Panawagan ito ng malawak na partisipasyon upang tiyakin ang mas magandang epekto at mapahusay ang kultura ng kahandaan at civic duty.

Batay sa direktiba inoobliga ang lahat ng Punong Barangays at opisyal ng lokal na pangunahan at iulat ang sabay-sabay na mga aktibidad kabilang ang clearing at paglilinis ng mga kalsada at daluyan ng tubig; pagtatanggal ng bara o declogging ng mga kanal at drainage systems; pagbubukas at clearing ng manholes; at wastong disposal o pagtatapon ng lahat ng nakolektang basura.

“Barangays are enjoined to partner with NGOs, private sectors, homeowners’ associations, and community members in the implementation of this program to ensure wider participation and greater impact,” saad sa memorandum .

Samantala ang City Environment and Natural Resources Office kasama ang DILG-Parañaque ay magdedeploy ng monitoring officers.

Bawat barangays ay dapat na magsumite ng pirmadong report matapos ang kada aktibidad via official portal: https://bit.ly/WeeklyCleanup2025. (Bhelle Gamboa)