Catapang hinirang na Modern Hero of Integrity and Service Awardee

Pinarangalan ng Asia’s Golden Icon Awards si Bureau of Corrections Director Gregorio Pio P. Catapang Jr. bilang Modern Hero of Integrity and Service awardee dahil sa kanyang napakahusay na kontribusyon sa bansa, na ginanap sa Okada Manila Hotel sa Paran̈aque City.

Unang nagsagawa ng mabusising ebalwasyon ang Executive Board na binubuo nina Dr. Sergio Ortiz-Luis, Jr.; Consul Enunina Mangio, President, Philippine Chamber of Commerce and Industry (PCCI), Director General Tereso Panga, DG ng Philippine Economic Zone Authority (PEZA), at Congresswoman Marissa Del Mar, kinatawan ng OFW Party-List bago ang desisyong parangalan si Catapang.

Nagkaisa sila ng paniniwala na ang achievements ni Catapang ay nagbigay-diin sa malaking ambag ng trabaho nito sa Bureau of Corrections na nagpapakita ng pangakong modernong kabayanihan na nagsisilbing inspirasyon ng mga tao para maging mahusay din sa kanilang larangan.

Sa pagtanggap ng award ni Catapang, aniya ito ay para sa masisipag na tauhan ng BuCor na araw-araw na nahaharap sa mabigat na trabaho na hindi madalas mapansin kung saan mahalaga ang kanilang ginagampanang papel na humubog ng buhay at lumikha ng mas ligtas at mas patas na lipunan para sa persons deprived of liberty (PDLs) kung saan ang pagkilalang ito ay magsisilbing liwanag ng pag-asa para bigyan ng signal na mayroong advocates at leaders na naninindigan sa pagbuo ng rehabilitasyong pangkapaligiran.

“This award transcends ordinary boundaries of leadership and governance, and serves as a beacon of hope for thousands of PDLs who seek transformation and rehabilitation within the walls of our correctional facilities,” sabi ni Catapang.

Sa kanyang pananaw at dedikasyon, pinasalamatan ni Catapang ang kasipagan ng kanyang team at ang kahalagahan ng rehabilitasyon sa correctional system, na lalong magpapalakas ng diwa ng pag-asa at posibilidad para sa lahat ng mga naghahanap ng ikalawang pagkakataon sa kanilang buhay. ( Bhelle Gamboa)