Fixers na bumabawas sa ayuda, lagot sa DSWD
Tiniyak ng Department of Social Welfare and Development na hindi palalagpasin ang mga ulat na may mga “fixers” na binabawasan ang ayuda ang ahensya na ipinamimigay sa mga nangangailangang pamilya.
Ayon kay DSWD Secretary Rex Gatchalian, titiyakin ng ahensya na mananagot ang sinumang mahuhuli o mapapatunayang sangkot sa pagbawas ng ayuda.
Paliwanag ni Gatchalian may katapat na kasong criminal ang pagbawas sa ayuda cash assistance man o family food packs.
Apela ng DSWD sa publiko, kung napansin na kulang o mali ang laman ng natanggap nilang ayuda, agad na magsumbong sa tanggapan ng ahensya. (DDC)
