PDEA nagbabala sa hindi otorisadong paggamit ng pangalan, logo
Nagbabala ang Philippine Drug Enforcement Agency hindi otorisadong paggamit ng kanilang pangalan at logo na ito ay malinaw na paglabag sa Article 177 ng Revised Penal Code.
Ginawa ng PDEA ang babala kasunod ng ulat na may indibidwal ang nakitang nakasuot ng sublimation shirt na may taglay na official PDEA logo.
Nang maaresto ang suspek ay inamin nitong hindi naman siya bahagi ng PDEA organization at ang t-shirt ay nabili nila sa isang online shopping platform.
Kasabay nito ay hinikayat ng PDEA ang publiko na agad ireport sa mga otoridad sakaling may makita silang hindi otorisadong paggamit ng PDEA logo o indibidwal na nagpapanggap na taga-PDEA. (DDC)
