Purchase Booklet hindi na kailangan sa pagbili ng gamot ng mga senior ayon sa FDA
Inilabas na ng Food and Drug Administration ang circular na nag-aatas ng pagtanggal sa Purchase Booklet bilang requirement para maka-avail ng percent discount ang mga Senior Citizen kapag bumibili ng gamot at Medical Devices.
Sa FDA Circular No. 2025-05 inatasan ang lahat ng establisyimento na ihinto ang pag-require ng Purchase Booklets sa mga Senior Citizen para makakuha ng diskwento.
Inilabas ng FDA ang circular bilang gabay sa mga stakeholders at sa publiko matapos mag-isyu ng Administrative Order ang Department of Health na nagtatanggal sa booklet sa checklist ng mga requirements.
Ayon sa FDA, para makakuha ng 20 percent discount kailangan lamang ipakita ang alinman sa mga sumusunod:
– Senior Citizen ID
– Passport ng Senior Citizen
– Iba pang valid document na magpapatunay g edad ng senior citizen na bumibili ng gamot
Kailangan ding ipakita ang reseta ng doctor kung saan nakasulat doon dapat ang pangalan, edad, sex at address ng senior citizen gayundin ang gamot at bilang ng gamot na kailangan niyang bilhin. (DDC)
