Pang. Marcos biyaheng Cambodia sa Sept. 7 – 9

Biyaheng Cambodia si Pangulong Ferdinand Marcos Jr. sa September 7 hanggang 9 sa layong mas palalimin pa ang relasyon ng dalawang bansa.

Makakasama ng pangulo sa nasabing pagbiyahe si First Lady Louise Araneta-Marcos.

Ayon sa pahayag ng Presidential Communications Office ang state visit ng pangulo ay base sa imbitasyon ni His Majesty Preah Bat Samdech Preah Boromneath Norodom Sihamoni, King of Cambodia.

Magkakaroon ng bilateral meeting ang pangulo sa Prime Minister ng Cambodia para talakayin ang pagpapalakas pa ng kooperasyon ng dalawang bansa sa pagsugpo sa transnational crimes.

Tatalakayin din ang mas pagpapabuti pa sa ugnayan ng dalawang bansa sa mga usapin ng agrikultura, higher education, tourism, at cultural cooperation. (DDC)