Flood control project contractors may utang na P247M na buwis sa Manila LGU

Aabot sa 247 million pesos ang utang sa buwis ng mga contractor ng flood control projects sa lungsod ng Maynila.

Babala ni Manila Mayor “Isko” Moreno Domagoso sa mga contractor bayaran ang unpaid taxes dahil kung hindi ay isasailalim sila sa blacklist at hindi na papayagang makakuha ng city permits.

Sa rekord ng Office of the City Treasurer, sinabi ni Domagoso ang nasabing halaga ay obligasyon sa buwis ng mga contractor ng 305 flood control projects sa lungsod.

Siyam (9) na proyekto lamang sa lungsod ang nabayaran ang buwis sa LGU na nagkakahalaga ng 8.09 million pesos.

Kinumpirma naman ni Moreno na kabilang sa mga contractor na may obligasyon sa buwis sa lungsod ang ilang kumpanyang pag-aari ng pamilya Discaya. (DDC)