Budget briefings sa senado tuloy lang ayon kay Sen. Gatchalian

Susunod pa din ang senado sa schedule ng briefings at pagdinig sa panukalang 2026 national budget.

Pahayag ito ni senate committee on finance Chairman Senator Sherwin Gatchalian
sa gitna ng panawagan at mungkahi na ibalik sa ehekutibo ang 2026 National Expenditure Program para maisailalim muna ito sa paglilinis lalo na at may mga nakitang insertions.

Sinabi ni Gatchalian, na bagaman nauunawaan nila ang concern ng kamara, sa panig ng senado ay magtutuloy-tuloy ang kanilang budget hearing para maiwasan ang delay sa proseso.

Prayoridad aniya ng senado na maaprubahan ang 2026 budget bago matapos ang taon. (DDC)